हेटौंडा, मकवानपुर मकवानपुरको हेटौंडा उपमहानगरपालिका-११, नवलपुरबाट एकै परिवारका तीन दिदीबहिनीसहित थप दुई बालबालिका गरी जम्मा ५ जना नानीहरू विगत तीन दिनदेखि बेपत्ता भएका छन्।
हराउने बालबालिकाहरूमा सुशील ढुंगानाका तीन छोरीहरू र उनीहरूसँगै रहेका अन्य दुई जना नानीहरू रहेका छन्। उनीहरू तीन दिनदेखि परिवारको सम्पर्कमा नरहेको बुवा सुशील ढुंगानाले जानकारी दिनुभएको छ।
खोजतलासका लागि अपिल
परिवारले आफ्ना नानीहरू फेला नपर्दा चिन्ता व्यक्त गर्दै खोजीका लागि सबैमा विनम्र अनुरोध गरेको छ। यदि तपाईंले यी बालबालिकाहरूलाई कतै देख्नुभएमा वा उनीहरूको बारेमा कुनै पनि जानकारी प्राप्त भएमा तुरुन्तै नजिकैको प्रहरी कार्यालय वा सिधै परिवारको सम्पर्क नम्बरमा फोन गरिदिनुहुन आग्रह गरिएको छ।
- सम्पर्क व्यक्तिको नाम: सुशील ढुंगाना (बुवा)
- ठेगाना: हेटौंडा-११, नवलपुर
- मोबाइल नम्बर: ९८६१६८७३०३
प्रहरीले पनि यस घटनालाई गम्भीरतापूर्वक लिँदै खोजी कार्य जारी राखेको छ। सामाजिक सञ्जाल प्रयोगकर्ताहरूलाई पनि यो सूचना सेयर गरेर बालबालिका फेला पार्न मद्दत गरिदिन अनुरोध गरिन्छ।