हेटौँडा, चैत ५ गते।बागमती प्रदेश स्तरीय कृषि प्रदर्शनी २०८२ हेटौँडामा आयोजना हुने भएको छ। मकवानपुर उद्योग वाणिज्य संघको कृषि प्रवर्द्धन समितिको आयोजनामा उक्त प्रदर्शनी चैत १३ गतेदेखि १६ गतेसम्म सञ्चालन गरिनेछ।
प्रदर्शनी हेटौँडास्थित पल्पसा हलमा आयोजना गरिने आयोजकले जनाएको छ।
प्रदर्शनीमा प्रदेशभरका किसानहरूले उत्पादन गरेका कृषि उपज, रैथाने बाली, कृषि औजार, उपकरण तथा आधुनिक कृषि प्रविधिहरू प्रदर्शन गरिनेछ। समितिका संयोजक निलम पाण्डेका अनुसार, यस कार्यक्रमले कृषि क्षेत्रमा नवप्रवर्तनलाई प्रोत्साहन गर्नुका साथै किसानलाई बजारसँग जोड्ने लक्ष्य राखेको छ।
यसैबीच, प्रदर्शनीमा सहभागी हुन इच्छुक छानिएका उद्यमी तथा स्टार्टअपहरूलाई नि:शुल्क स्टल उपलब्ध गराइने व्यवस्था गरिएको छ।
यदि तपाईं कृषि, पशुपालन वा एग्रो–बिजनेस क्षेत्रमा नयाँ समाधान र नवप्रवर्तनमा काम गर्दै हुनुहुन्छ भने, आयोजकसँग सम्पर्क गर्न अनुरोध गरिएको छ।
📞 सम्पर्क (Spokesperson): 9855070110