मकवानपुर – सामाजिक कार्य र कानुनी सेवामा सक्रिय अधिवक्ता हरिहर खतिवडा मकवानपुर क्षेत्र नं १ बाट क्षेत्रीय सभापति पदमा निर्विरोध निर्वाचित भएका छन्। हेटौंडा क्षेत्रमा सामाजिक अभियान, जनसरोकारका मुद्दा तथा कानुनी परामर्शमार्फत परिचित खतिवडाको नेतृत्व चयनलाई स्थानीय राजनीतिक वृत्तमा सकारात्मक संकेतका रूपमा लिइएको छ।
यसैबीच, आज मिति २०८३ साल जेष्ठ २३ गते सम्पन्न राष्ट्रिय स्वतन्त्र पार्टी (रास्वपा) मकवानपुरको प्रथम जिल्ला अधिवेशन सर्वसम्मत रूपमा सम्पन्न भएको छ। अधिवेशनबाट नयाँ जिल्ला कार्यसमिति चयन गरिएको छ।
निर्वाचित पदाधिकारीहरू यस प्रकार रहेका छन्:
- सभापति: संजीव पाठक
- उपसभापति: टाकाराज थापा
- सचिव: विशभ अधिकारी
- सह–सचिव: शान्ति थापा
- सदस्यहरू: संझना पुडासैनी लगायत
अधिवेशन सफलतापूर्वक सम्पन्न भएसँगै नवगठित कार्यसमितिले संगठन विस्तार, सुदृढीकरण तथा आगामी राजनीतिक गतिविधिलाई प्रभावकारी रूपमा अघि बढाउने प्रतिबद्धता व्यक्त गरेको छ।
स्थानीय राजनीतिक वृत्तमा यस अधिवेशनलाई रास्वपाको संगठनात्मक सुदृढीकरणतर्फको महत्वपूर्ण कदमका रूपमा लिइएको छ।